السلام عليكم ورحمة الله وبركاته

يا اخوان
انا ابغا اجدد جوازي وتجديد الهويه او الجواز لازم ويتطلب تسديد المخالفات

وانا طال عمركم الحمد لله انسان نظامي ( بس ما عندي رخصه :nosweat: ) مو عشان السن انا الحمد لله 21

طبعا عندي مخالفه 900 ريال
السبب : بالحرام
انا سيارتي عريضه وجيت اخذ اللفه من عند الاشاره ( يوتيرن او ريتيرن ) وكان واحد موقف ولازم ارجع ريوس ولمن رجعت انقفلت الاشاره والعسكري يظن اني قاطعها ،،،
ووقفني وحاولت افهمه
لكن هو كاتب الورقه ومجهز نوع المخالفه بس يكتب رقم الهويه والاسم

طبعا اسلوب رجل الامن وقح جدا جدا لدرجه انه يقول تستاهل وتدبل عليك 1800 ريال ووالخ





المخالفه كانت في شهر 11 - 1431هـ
وانا كلمت واحد مدخل بيانات في المرور يحاول اذا شافها ما يسجلها
وفعلاً جلست من هذاك اليوم
حتى شهر 4 - 1432هـ مافيه شي
وعلى نهاية شهر 4 تسجلت المخالفه 900 ريال


ومدري وش الحل ؟؟
والاعتراض يقول خلال 30 يوم !! :crazy:


هل استطيع الاعتراض ؟
هل سبق ان احد اعترض وطلع بنتيجه ؟
انا خايف اعترض ورجل الامن انتو عارفيتن انه مصدق :shiny01: وطلعوا اني استاهل المخالفه هل يسوون لي شي ؟؟؟؟؟

وشكريات لكم ....