السلام عليكم ورحمة الله وبركاته

عدنا من جديد :shiny01:

قبل كل شي رمضان مبارك ع الجميع وكل عام وانتو بالف خير يارب


اليوم تجربه يديده وحلوه وغاليه شوي خخ :shiny:

التجربه كانت في شراء لاب كوت Grey's Anatomy ماركه Barco


طبعا عندنا في الامارات المحال اللي تبيع اللاب كوت للاطباء او scrubs معدوده او بالاحرى خل نقول سعر ع الفاضي وجوده ردئيه وانواع محدوده جدا

لذلك كان الحل الانترنت

لقيت هذا الموقع الرائع
Buy Scrubs, Medical Uniforms, Nursing Uniforms at Discount Price

في البدايه تخوفت لاني ماعرف عن الموقع شي
بس ارتحت انه يقبل الدفع بنظام ال paypal

التشكيله المتوفره والانواع والماركات خرافيه في الموقع
بالاضافه الى امكانيه كتابه الاسم اللي تريده

توكلت على الله وطلبت هذا اللاب كوت lab coat
Buy Grey's Anatomy Mens 34 inch Five Pocket Medical Lab Coat for $29.95

سعره : 110 درهم تقريبا = 29.95$




السعر مناسب ولكن طلبت معاه كتابه سطرين ع القطعه
الاول فيه اسمي والثاني جامعة الشارقه

كلفت الكتابه تقريبا 29 درهم = 7.98$

الشحن لعنواني في اراميكس = 4.99$ = 18 درهم

الاجمالي : 42.92$ = 157 درهم

http://www.medclub.ae/club/uploaded/1_01312629935.png

تم الطلب في تاريخ 25-7-2011
الشحن لعنوان ارامكس 30-7-2011
الوصول لعنوان ارامكس 2-8-2011

اللي صار اني كتبت عنواني في ارامكس خطا :tears:
فتحت اللايف تشات وكلمت الدعم الفني وخلال اقل من دقيقه
تم تعديل العنوان - بدون مبالغه دعم فني راقي وتعاملهم وسرعتهم لايعلى عليها

وصلت الشحنه اليوم بتاريخ 6-8-2011
الى راس الخيمه المفروض امس لكن جمعه مسكرين

http://www.medclub.ae/club/uploaded/1_01312630039.png

وزن الشحنه 1.4 lb وسعر الشحن 80.3 درهم :shiny:
ياجماعه في خطا .. فاتصلت في ارامكس وقلت لهم كذا كذا الموضوع
والسعر في موقعكم 73 درهم .. قالولي صحيح وروح استلم وادفع 73 درهم :icon30:

استلمت الشحنه بحمد الله

وعلى طول الاخ مب مصدق خبر خخ
وانا في السياره جك جك وفتحت الشحنه


http://www.medclub.ae/club/uploaded/1_01312630267.jpg

http://www.medclub.ae/club/uploaded/1_11312630267.jpg

وفتحت الكيس واول مامسكت اللاب كوت

لاااااا كبير !!! انا ضعفت خخخخخ مش معقول والا طالب اكبر من مقاسي :new8:

قلت اتعوذ من الشيطان وعن الاستعجال ارجع البيت واجربه

وهذي صور له قبل التجربه

http://www.medclub.ae/club/uploaded/1_21312630267.jpg

60٪ قطن والخامه / القطعه خرااااااااااااافيه .. الصراحه ماتندمت ع السعر اللي دفعته
صح التكلفه الاجماليه مع الشحن غاليه لكن تستاهل والله

واسمي الجميل كان منور :smoke1:

http://www.medclub.ae/club/uploaded/1_01312630499.jpg

التاغ .. وا قلبي

http://www.medclub.ae/club/uploaded/1_11312630499.jpg

http://www.medclub.ae/club/uploaded/1_21312630499.jpg

علامه Grey's Anatomy
ع الطرف

http://www.medclub.ae/club/uploaded/1_01312630592.jpg

ابشركم
طلع مقاسي بالضبط ومريح جدا :blushing:

التكلفه الاجماليه : 230 درهم

المبلغ نعم غالي بصراحه يعني حرام سعر الشحن
بس عن نفسي راضي عن التجربه وخصه انه الخامه روعه
والكتابه كانت بطريقه حلوه
واللاب كوت في 5 جيوب
3 خارجيه و 2 بالداخل
الطول ممتاز

بقولكم كيف ممكن انا اوفر لو حاب في المره اليايه

اطلب كميه اكبر بدون كتابه اي شي عليه
الطلبيه ممكن تكون لاب كوت سكربس واي شي يعني

راح اوفر قيمه الكتابه لاني ممكن اكتبها عند اي خياط
راح اوفر قيمه الشحن الداخلي لانه راح يطلع مجاني
وسعر الشحن الدولي راح يكون منصف لانه الكميه اكبر
الحين انا دفعت 35 درهم زياده عشان 200 جرام بس زايده عن 1 باوند
لو طالب اكثر كان ع الاقل سعر الشحن توزع بشكل افضل

وبس
ان شاء الله يكون التقرير اعجبكم

تحياتي