الحقوني فيه مشكلة كبيرة صارت لجهازي
 

السلام عليكم
صاارت لجهازي مشكلة كبيرة والسبب أنا وإليكم قصة معاناة جهازي معي
بدأت الحكاية لما ركبت برنامج الفوتشوب اللي حط لي أخوي نور رابطه ولما فتحته طلع عربي طبعا هو ماقصر وضح بالموضوع انه عربي بس انا قلت يمكن يقصد انه يكتب عربي لما فتحته لقيته كله عربي وانا مو متعودة إلا على الانجليزي المهم جيت ابي احذفه واركب الانجليزي مالقيت برنامج الحذف لازم له رقم سري والرقم اللي عندي مايفتحه المهم سويت نفسي اني فاهمة قلت خليني اسوي استعادة نظام ورجعت التاريخ يومين
لما قبلت الاستعادة رجعت كل المشاكل اللي قبل والنورتون الجديد انحذف ورجع النورتون القديم اللي مو مفعل
قلت يا اااالله وش اسوي الحين قلت مافي الا اني ارجع استعادة النظام للوقت نفسه ورجعته وفعلا استعاد ورجع النورتون ورجع الفوتوشوب العربي
قلت مافي حل الا اني احمل الفوتشوب الانجليزي بدون مااحذف العربي
اثناء التحميل ولاني مااحب اجلس فاضية ولان الشيطان من الصبح امس واقف على راسي قلت خليني اخفف من الخطوط اللي بجهازي بما اني كل مايطلع خط حملته المهم حذفت ثلاث ارباع الخطوط
بعدها اختبصت عندي الامور حتى خطوط المواقع تغيرت
ويريد الله وتطفي الكهرباء بالحي كله وتحميل الفوتشوب ماانتهى
المهم انا تركت الجهاز لليوم الصبح فتحت جهازي لقيت مافيه اشارة النت
قلت يااربي وش اسوي ماعندي الا استعادة نظام هلكتها من امس
سويت استعادة نظام اثناء ذلك يريد الله وتخلص البطارية ويطفي الجهاز لاني نسيت اشبك السلك
المهم لما شبكت السلك وفتحته كانت الصاعقة العظمى
جت الصفحة السوداء اللي مصرة انها ماتروح رغم محاولاتي العديدة الصور بتوضح لكم طبعا صورتها بجوالي والان اكلمكم من جهاز اخوي
تكفون الله يخليكم ساعدوني احل مشكلته ولا اني اوديه للمحل لانه في اشياء خاصة جدا جدا

http://www.zyzoom.org/vb/vb_cache1/2...0204356454.jpg

http://www.zyzoom.org/vb/vb_cache1/2...964dcce21e.jpg

http://www.zyzoom.org/vb/vb_cache1/2...aa21aeb6cc.jpg

http://www.zyzoom.org/vb/vb_cache1/2...e0e87c0326.jpg

طبعا الصورة الاخيرة بعد مايبحث يجيني مكتوب فينش اخذه يطفي الجهاز
بس ارجع افتحه ترجع نفس الصور تتكرر

ساااااااااااااااااااااااا اعدوني الله يدخلكم الجنة

اختكم المحتاسة وهج

الموضوع الأساسي: الحقوني فيه مشكلة كبيرة صارت لجهازي
المصدر: زيزوووم للأمن والحماية








أكثر...