منتديات المجاوشي - [صنع يدي]ركن لمكتبة صغيرة في المنزل من لمساتك الخاصة

السلام عليكم ورحمة الله وبركاته
في هالموضوع حبيت احط بعض من هواياتي وهي الاعمال اليدوية ، طبعا سويت ركن في الغرفة لمكتبة صغيرة من لمساتي الخاصة ، ان شاء الله يعجبكم مثل ماعجبني :strongly:

بسم الله نبدأ ..

1- الطاولة

الطاولة كانت قديمة وشكلها مغبر مرمية من صالة الى مخزن الى تحت الدرج ..... الخ . فحبيت اعيد صناعتها بشكل مختلف تماما وفخم :smoke1:

الادوات المستخدمة:
طاولة متهالكة ، جلاد بـ لونين ، دبابيس ذهبية ،ربع متر دانتيل او مادري شو يسمونه الي يستخدمونه في الستاير
الطريقة
جلدت الثلاثة رفوف باللون الاحمر والجوانب بالاصفر ، حطيت الزخرفة او الدانتيل في بداية كل رف .. اخر رف زينته بالدبابيس والشرايط.

http://www.traidnt.net/vb/images/img...14/06/1298.png

2- كرة كرستالية لماعة للزينة

هذي مجرد اضافة جميلة .. استخدمت :
كرة فلين ، بهارات :bleh: (ماعرف اسمه ) ، شوفان ، رش فضي ووردي ، دبابيس ، ابر واي شي شفته في ما احتاجه استخدمته :blushing: ، صمغ

الطريقة:
ندهن الكورة بالصمغ ونحط البهارات ونخليه لين يجف عقب نصبغه باللون الفضي (رش ) وبعد مايجف نحط دبابيس لكسر اللون او اعطاء لمعة
والكرة الثانية نفس الشي ولكن نرش عليها شوفان وبعد لون الوردي والابر السوده طلع شكلها جميل جداا..

http://www.traidnt.net/vb/images/img...14/06/1299.png
3- علبة اقلام او مزهرية او اثنين في واحد :icon30:
استخدمت علبة بسكوت فاضية ، ورق هدايا ، صمغ ، ورق جليتر ماعرف اسمه لكن شكله فالصورة موضح ، ورود قماشية ، ملاعق بلاستك ، رش فضي

الطريقة: دهنت العلبة بالصمغ وحطيت الورق الهدايا ، قصيت الجليتر بشكل مموج ، ولصقته من الاسفل ، حطيت الورود القماشية ، اما الملاعق فـ كسرتها وصبغتها بالرش الفضي ولصقتها على شكل حلقة بنفس مقاس العلبة وبعدها رجعت وصبغتها بالرش الفضي ولصقتها في اعلى العلبة
والشكل النهائي كان رائع جدا.. :icon31:

http://www.traidnt.net/vb/images/img...14/06/1300.png

4- شماعة انيقة كلاسيكية
استخدمت كوب مسروق من المطبخ ويفضل يكون عريض ، ملاعقنا البلاستيكية ، رش ذهبي ، بعض من كرستالات بنت اختي صغيرونتي الي اختربت وتقطعت وكانت جامعتها في علبة لليوم الاسود :blushing: ، سي دي ،صمغ
الطريقة: كسرت ملاعقنا بنفس الطريقة ولصقتها في الكوب حبة حبة لين خلصت ، صبغت الكوب باللون الذهبي والسي دي كذلك ولصقت الكوب في السيدي في القاعدة وجبت الكرستالات ولصقتها في النهايات
http://www.traidnt.net/vb/images/img...14/06/1301.png

5- المرآه الخشبية او الشمسية :bigsmile:

استخدمت اعواد الشواء ، صمغ ، كرتون ، مراية مكسورة العلاقة الي فيها ، رش ذهبي
الطريقة : بسيطة جداا ،، لصقت الاعواد في الكرتون وصبغتها وبعدها ضفت المراية وحطيت لها علاقة

http://www.traidnt.net/vb/images/img...14/06/1302.png

وفي النهاية الجدار بصراحه من فتره عملته وماكان في بالي اصور ،، طبعا صبغت الغرفة عادي وبقى من العامل صبغ بني فحبيت ارسم عالجدار من لمساتي رسمة بسيطه

الشكل النهائي لـ مكتبتنا المتواضعه وبعد ماجهزناها وشغلنا الشموع :clap:

http://www.traidnt.net/vb/images/img...14/06/1303.png

وهني توقيعي ، لمسات - ترايدنت
http://www.traidnt.net/vb/images/img...14/06/1304.png

اتمنى ان يعجبكم وقبل كل شي اتمنى انكم تستفيدوو من وقت الفراغ ومن الاشياء الي مو محتاجينها وتعيدون تدويرها /:

(على فكره ، في اغلب الاوقات الاشياء الجاهزة تكون منظمة وانيقة وارخص بعض الاحيان لكن لما يكون شي من عمل ايديك وبلمساتك الخاصة وافكارك يكون اجمل في نظرك حتى وان ماعجب البعض ـ وانا بشكل عام احب اضيف لمساتي في كل شي )
http://www.traidnt.net/vb/images/icons/icon26.gif

اختكم لمسات

أكثر...