مابين صدري والمقابر علاقات
بالإسم والمعنى ودفن الضحيه
الفرق بأن المقبره تحضن أموات
وأنا دفنت أشياء بالصدر حيه
دفنت حبك عن هروج السخافات
ودفنت شوقي عن عيون البريه
ودفنت في صدري غرابيل وأهات
وأسرار نفسن من زمنها شقيه
أمنتك الله يابعد راس الأبيات
ياملهم (ن) قافي صباح وعشيه
أن حل بي طاريك وقفت بسكات
وان زارني طيفك عطيته التحيه
من زود حبك ماحسبت المسافات
ومن زود شوقي ماتهم المنيه
مدري علام القلب يهواك بالذات
وعروق شوقه بأرض حبك نديه
أن قابلك ضمه وقل له سلامات
لأنه قبل يومين صابه شظيه
تذكر وانهار والنزف حسرات
على زمانك والعلوم النقيه
ولملم شتاته حزن وهموم وآهات
ودفنتها بالصدر يازين حيه
منقول
...
أكثر...