السلام عليكم مساكم الله بالخير
اليكم جديدي وهي مستواحة من موقف حصل لي وهو الله يسلمكم
بيتي مجاور لكليه بنات .
وكل ماطلعت الصبح ابشغل موتري عشان الدوام الا هالبنت اللي تمقل
يعني تطالع ولاتنزل نظرها. .
وكل يوم على هالحاله الين ماعرفت وش اللي مشغل البنت ومولعها
وخاب ضني والله يعين. .
فكتبت هالقصيدة عسى ان تحوز على اعجابكم, ,
حـيالله اللـي تمـر البيـت وتسّلـم
تضحك لشوفي وضحكتها بها غنـج
تشّـر بيدهـا سـلام بـدون تتكلـم
وتمشي بجسّمٍ تشكـل كنـه أسفنـج
لاجت تمخطر تشوف القلـب يتألـم
ياجعل يفدا حلاها البيـض والزنـج
حتى الزهر لانظرهـا قـام يتولّـم
شفته تناثر مثـل حبـات شطرنـج
والى أقبلت من بعيـد يقـوم يتلملّـم
يزفها عـن يمينـه خـوخ وترنـج
ويوم أوقفـت والمسافـه بيننـا ملّـم
تلـد عـنـي يـسـار وتـشـرب التنج
سألتهـا وش تبيـن وعيّـت تعلّـم
قلت ادري اني وسيم وشوفتـي بنـج
ثم اضحكت لي وقالت يوووه يتحلّـم
ماجيت أبيك أنت. .جيت لشوفة الرنج
وسلامتكم
سعد المطيري
أكثر...