السلام عليكم ورحمه الله وبركاته

انا النهارده حابب اشارك تجربتى مه الناس ودى مش اول تجربه ليا ف الشراء من الخارج

وخصوصا الاخوه المصريين عشان يستفيدوا من التجارب اللى زى كده ومش يحتاجوا لمساعده الا فى الحاجات الصعبه




انا اشتريت تابلت قبل كده

بس اول موبايل اشتريه من بره

قعدت ادور وانا محتار ومش عارف اختار لحد ما لقيت ان الجهاز ده يناسبنى بالنسبه لامكانياته وسعره

وانا كنت عاوز جهاز فى حدود 2000 جنيه والموجود هنا رامات 1 جيجا او جيجا ونص بالكتير والبروسسور والشاشه والكاميرا وكل الكلام ده

فانا قعدت ادور بره على جهاز يناسب الامكانيات اللى انا عاوزها وكمان فى السعر اللى انا عاوزه لحد ما استقريت على جهاز هواوى


الجهاز هو HUAWEI HONOR 3X


انا اشتريت من موقع tinydeal واغلب الناس تعرف موقع تينى ديل

المهم وقت منا اشتريت الموبايل كان ده ارخص سعر ليه موجود فى تينى ديل

انا دفعت عن طريق باى بال والموقع متاح فيه الدفع عن طريق باى بال وويب مونى وكاش يو
ومتاح شحن مجانى وشحن ارامكس وشحن EMS

دى مواصفات الجهاز واللينك اللى اشتريت منه HUAWEI HONOR 3X






انا اشتريت الجهاز ومعاه كمان جهاز لاخويا يعنى جبت 2 هواوى ومعاهم شويه حاجات رفيعه كده بحوالى 40 دولار انا دفعت يوم 21/3 والحاجه اتشحنت يوم 24/3 واستلمت يوم 27/4

والتاخير كان بسبب الموافقه بتاعه الجهاز القومى لتنظيم الاتصالات






بعد ما اشتريت ودفعت خدت رقم التتبع وكان الشحن عن طريق بريد سنغافوره

وده موقع التتبع بتاع الطرود ممكن تتبع فيه تبع اة شركه شحن وده خط سير التتبع بتاعى

http://www.17track.net




الطرد اتشحن يوم 24/3 ووصل بريد رمسيس يوم 1/4 كان الطرد وصل بريد رمسيس ويبدء اجرائات التسجيل عندهم والطرد بياخد رقم فى رمصر والمفروض انه اتحجز جمارك يوم 9/4 بس الخطوه دى مظهرتش او متسجلتش فى رقم التتبع بس واحد صاحبى هناك سالى وعرف وانا ظبطت امورى وسافرت لما الوقت ناسبنى انا من بورسعيد وكنت محتاج اسافر القاهره عشان اخلص الاجرئات بتاعه الموافقه اللى بتطلع من الجهاز القومى لتنظيم الاتصالات سافرت القاهره يوم 27/4 واتاخرت ف السفر بسبب شغلى واجازه شم النسيم واجازه عيد تحرير سيناء المهم وصلت القاهره وروحت البريد اللى هو موجود فى ميدان رمسيس قدام مسجد الفتح طلعت الدور الرابع قسم العينات ودخلت للموظف وقولتله ليا طرد جاى من سنغافوره وطلع البيانات وادانى ورقه والكتالوج بتاع الموبايل ونزلت من البريد الساعه 10 وصلت الجهاز القومى لتنظيم الاتصالات اللى هو فى مدينه نصر الساعه 10.45 دقيقه ودخلت وخدت ورقه مليت فيها البيانات المطلوبه وقعدت ساعه وطلعت الورقه بالموافقه خدتها ورجعت على البريد وصلت الساعه 12.30 اخدوا الموافقه وادونى استماره املاها بالحاجه اللى كنت جايبها وهما موبايلين ومعاهم شويه حاجات رفيعه كده ولفيتهم متمنين الطرد ب 2100 جنيه واصلا تمن الحاجه ب 4500 جنيه يعنى لو دفعت 10% ادفع مبلغ 450 جنيه طبعا انا اعترضت على ال 2100 جنيه :strongly: وبعد نقاش وصلناهم ل 1700 جنيه دفعت جمارك + خدمه بريد والكلام ده حوالى 200 جنيه على كل الحاجه بس خدت شويه امضائات واجرئات ف ساعه ونص :shiny01: الروتين بقى بتاع بلدنا خلصلت فوق الساعه 2 وحمدت ربنا انى لحقت اخلص لانى مش من القاهره وكان لازم اخلص ف نفس اليوم ده

والحمد لله الموبايل جميل جدا وامكانياته حلوه وعجبنى سرعته البروسسور Octa-core, MTK6592 - 1.7GHz ورامات 2 جيجا وكاميرا 13 ميجا وهو حلو وعجبنى الصراحه

واسيبكم مع شويه صور للموبايل











































واى استفسار انا فى الخدمه ان شاء الله







أكثر...