قالت ترى منت بحلو قلت رجال
والزين ماهو من شروط الرجوله
الزين يلقى عند لباسة الشال
والرجل زين ان كان زانت فعوله
قالت علامك تلبس اشماغ وعقال
انت بدوي قلت بدوي ومن حموله
ماألبس بناطيل لها الوان وأشكال
وأمتر الشارع بعرضه وطوله
قالت اجل راعي معاميل ودلال
شرب القهاوي تحسبونه بطوله
كيفي يابنت الحضردله وفنجال
وحليب خلفه بالمراح معقوله
وحب الكرم والجود وعلوم الابطال
مغروس فينا من زمان الطفوله
قالت ترى بنت البدوحضها مال
قلت احذري حذرا تكوني جهوله
بنت البدو يابنت مضرب للامثال
فوق الجمال وطاعة الله خجوله
ماحطة اصباغ ولاحطت ظلال
ولاسيرة بالسوق سير مهبوله
هي مهره تصعب على كل خيال
وانتي ومثلك عسفهن بالسهوله
قالت تغزل بي وشوف حبة الخال
ناظرعيوني والرموش الكسوله
قلت العفو مايجتمع حب وهبال
ولكل ذوق فاالمزاين جوله
قلتي وقلت وكلمة الصدق تنقال
الزين ماهو من شروط الرجوله
للامانه منقول
أكثر...