استفسار عن تشخيص مشكله في الكمبيوتر المكتبي ـ شرح دقيق للمشكله

السلام عليكم ورحمة الله وبركاته

واسعد الله اوقاتكم بكل خير

اخواني لدي مشكله بصراحه عجزت اتوصل لحل لها وحاولت من كل النواحي

مشكلتي كالتالي:

عندي جهاز مكتبي من نوع asus موديل cm6870 والمواصفات على الرابط التالي:

https://www.asus.com/Desktops/CM6870

المشكله بدأت معي مره بعد ماسويت اعادة تشغيل للجهاز رفض يشتغل وطلعت لي رساله ان النظام معطوب مع العلم انه ماصار فيه اي اجراءات بالسابق ((ملاحظة: الجهاز لم يتم استخدامه بالانترنت مطلقاً منذ شراءه)) المهم اضطريت بعد محاولات واعدت التشغيل اكثر من مره ونفس الحكايه واضطريت اسوي له استعادة ريكفري بنسخة موجوده بالجهاز من المصنع نفسه. واشتغل الجهاز سليم ووضعه طبيعي وبعد فتره واجهت نفس المشكله واضطريت اسوي استعادة الريكفري من جديد وعلى نفس المنوال لحد زي مايقولون مليت كل يومين فورمات.. جيت وقلت يمكن المشكله من القطع الداخليه وفكيت الجهاز وغيرت مكان الرام وكذلك فكيت كرت الشاشه ورجعته من جديد قلت لعله يضبط لكن رفض يشتغل ويفتح لي صفحة استكشاف الاخطاء ويجلس ساعه وبالاخير يقول انتهى من الفحص والاصلاح لكن مايشتغل معي.. اضطريت وقلت يمكن تكون نسخة الوندوز او بالاصح الريكفري فيه عطل او نقص بالملفات وسويت فورمات من نسخة وندوز موجودة عندي وسويت فورمات لباقي الاقراص من ضمنها قرص الريكفري واول مره سويت فورمات بعد ما اكتمل علقت الشاشه سوداء واضطريت اعدت التشغيل واستكمل وبالاخير علق معي واضطريت اسوي الفورمات من جديد وسويتها واشتغل معي طبيعي الآن لكن الملاحظ التعليق بعض الفترات اذا جيت افتح مجلد او ملف او اذا فتحت ادارة المهام ابي اشوف القطع اللي تحتاج تعريف يعلق شوي يظهر عدم استجابه وبعدها يشتغل وكذلك اذا ضغطت فاره يمين ابي اسوي تحديث لسطح المكتب او اذا ضغطت على زر ابدأ يتجمد الجهاز شوي وبعدها يستجيب الامر وكذلك بعد ما اضغط على زر ابدأ واضغط على لوحة التحكم تعلق الشاشه وبعدها يفتح مربع ابيض اللي هو لوحة التحكم وبعدها اشوف الشاشه بيضا وبعدها يبدأ كأنه يحمل الايقونات الخاصة بلوحة التحكم ومن ثم تظهر لي الايقونات الخاصة بلوحة التحكم ومرات يشتغل طبيعي وسريع ولا كأن فيه اي شئ من الاشكاليات المذكورة بالسابق. والان جيت اسوي اعادة تشغيل تظهر لي الشاشه الزرقاء وعبارة ((سيتم اعادة التشغيل)) وطولت واضطريت يدوي اطفيه وارجع اشغله من جديد وكذلك اذا شغلته يعلق على شاشه سوداء لمدة تتجاوز ثلاث دقائق..

تحديث: الآن وبعد عمل الفورمات للجهاز قمت باعادة تشغيله ورفض يشتغل تظهر الشاشه سوداء وبعدها عبارة starting windows بدون شعار الوندوز لوقت طويل مدة ثلاث او اربع دقايق دون اي استجابه اخرى وانا توني مسوي له فورمات وماسويت الا تعريف كرت الشاشه فقط. وبعدها ظهر لي شعار الوندوز مع العباره starting windows وبعدها صارت الشاشه سوداء لمدة اربع دقايق وبعدها ظهر لي الماوس فقط والشاشه سوداء وبعدها بدقيقه اشتغل الوندوز وظهر سطح المكتب.. والهاردسك اسمع فيه صوت حركه بمعنى انه نشط مو انه بوضع الخمول.


ولا ادري المشكله من وين بالضبط..


اما النظام والبرامج المستخدمه في فترة الاشكاليات وقبلها:
نظام الوندوز: وندوز 7
اوفيس / اكروبات / مشغل فيديو / برنامج نيرو / وتعاريف للطابعه والسكانر.

اعذروني على كثر النص وتداخل بعض المشاكل لاني اكتب والجهاز بجواري واضيف على مايواجهني وحبيت اشرح بقدر المستطاع من تفصيل مشكلتي واي استفسار عن نقطة مو واضحه او ماذكرتها انا موجود الله يعافيكم..


ولكم كل الشكر والتقدير جميعا...

أكثر...