الصديق الكذاب .. هل هو شايفني { غبي } أم انه ( غبي ) ويحسبني ما افهم ؟

السلام عليكم ورحمة الله وبركاته

كيفكم ان شاء الله بخير

اخواني حبيت اخذ رايكم بخصوص الناس اللي تجلس معاها وتسمع سوالفها وكلامها كله كذب في كذب

قبل كل شئ خلونا نشوف أدلة تحريم الكذب :

1- من القرآن :

منها قوله تعالى ( إِنَّمَا يَفْتَرِي الْكَذِبَ الَّذِينَ لاَ يُؤْمِنُونَ بِآيَاتِ اللّهِ وَأُوْلـئِكَ هُمُ الْكَاذِبُونَ ) [النحل:105]

2- من السنة :

وعن أبي هريرة عن النبي صلى الله عليه وسلم قال: { آية المنافق ثلاث إذا حدث كذب وإذا وعد أخلف وإذا اؤتمن خان } [رواه البخاري:33، ومسلم:59].

وهناك أدلة كثيرة غيرها ..

بخصوص موضوعي أعاني من صديق مقرب كثير الكذب .. يعني يكذب بشكل مو طبيعي

وتقريباً 90% من سوالفه كذب ويكذب في اشياء اعرفها وادري عنها

واحياناً يعطيني سالفة وبعدها بيومين يعطيني نفس السالفة بتفاصيل جديدة مختلفه

ومن المواقف الغبيه صراحة .. وراني مره صورة شخص شاب معروف عن طريق الانترنت والتلفزيون بس

مو بشكل كبير .. وقال لي هذا زميلي فلان الفلاني حيث ان الشخص اللي بالصورة اعرف انه يطلع

بالتلفزيون واعرف ان اسمه يختلف عن اللي قاله ..

فأنا من النوع اللي ما احب احرج الواحد اذا جاء يسولف حتى لو كذب .. فبعض الاحيان احاول اغير




الموضوع واغطي عنه اذا كان موجود اكثر من شخص .. وبعض الاحيان ابتسامه تكفي عن الف كلمة

برأيكم هل هو شايفني غبي علشان كذا يكذب علي .. ؟

كل واحد يعطينا رأيه .. وهل مر عليه صديق من قبل مثل كذا .. وإيش سوا معاه







أكثر...