رسالة الى بنات السعودية

السلام عليكم ورحمة الله وبركاته
كيف حالكم يا غالين عساكم طيبين ان شاء الله
بشرونا عنكم كلكم عساكم على ماعهدتكم
الصراحة اني مشتاق لكم حيل ودائم اشقر على موضيعكم ومشاركاتكم بس وش نسوي كرف دوام الكلية مانطلع الى العصر والمذاكره والنت في الكلية مايساعد
عموما اعضاء اقلاع سوفت دائم على البال
عموما حبيت اوصل هذي الرسالة الى اخواتي وصدقيني راح تتذكرن الكلام هذا اللي انا قلته في وم من الايام وراح تحتاجينه

نص الرساله


هذي رساله بوجهها لكل بنت وباخص فيها بنات جلدتي
بنات المملكة (بنات الرجال اللي كانو فيما مضا يضرب بهم المثل )
لاتكونن غبيات ساهيات يطبق عليكن المثل اللي يقول مع الخيل يا شقرا
لاتمشين يابنت ورا الواهيات وتنزلين راس ابوك في التراب بعد ماكان مرفوع وله بين الرجال صوله وجوله

الان البنت همها انها تشبك مع شاب وتكلمه على الاميل وتطلع معها (اتحدا اي واحد يقولي ان الكلام ذا ماهو عندنا بالمملكة)
البنات خلاص انخرطوا وشوفو الجيل الجديد اللي بيجي الان شوفو كيف راح ينخرط اكثر
البنت من يوم يكلمها الشاب تثق فيه وعلى طول ترسل له صورها الولد ماهمه اقسم بالله بعض الشباب الان انه مايفكر في البنت
واضحك من بعض البنات تكلم الشاب فتره ويحسسها انه يحبها وعشان يحرها يصفها (يطنشها فتره عشان يحرها ويشوف هي تحبه ولا لا )
فالمسكينه تدق عليه وتجلس تبكي انت ليه ساحب علي وتبكي وهو ولا همه بالعكس يرفع راسه ويقول كفو تعرف تسحب البنات
انا شاب واعرف تفكير الشباب واعرف وش هدفهم

وبعض البنات ترسل صورها وما ادري على اي وضع تصور تثق وثوق تام ترسله صورتها وهي في اوضاع ............

اعرف ان بعض البنات محافضات ولاكن الشيطان لعب بمخها ولاكن خلاص دام ارسلتي صورتك انتهى فضيحتك في كل مكان
حتى لو وثقتي في الشخص اللي يكلمك هل تثقين انه ماينسرق جواله او تضيع الذاكره
اش هالغباء المركب
وابي كل وحده تحط في راسها ان اي شاب عاقل مستحيل يتزوج وحده كلمها بالجوال
مستحيل استحاله بالانقليزي امبسبل
فلا تجيني تكلمينه شهر وشهرين ويحسسك بالحب والله انه كذاب
واخرها سحب ولا قابلك واعطاك المقسوم وحطم حياتك واخرها اختفى وانتي الى الدمار


يابنات يابنات اعرف انكن على نيتكن وتحسبن كل الششباب نيتهم زينه بالله سؤال لكل بنت جربت الشي ذا هل قد مر عليك شاب وكلمتيه وطلع صادق لان يابنات اللي يدور البنت على الجوال ماراح يدورها بهدف الزواج فقط لهدف التسليه كم وم ويضحك عليها ويدور غيرها

للمعلومية انا شاب ابلغ من العمر 22 سنه ولي اصدقاء واعرف كل السوالف والعلوم هذي

وانا الصراحه اعذركم لانكن رقيقات وعلى طول تصدقن وحنونات ولاكن الشباب استغلوا فيكن هالصفات

الرجا ان تكون وصلت رسالتي

اخيرا ياليت تصل الرساله هذي لاكبر عدد
واللي عندها صديقات ترسلها لهم
وانا اسمح بنشرها في اي مكان




اخوكم ابو سالم عبالله

أكثر...