لو مبتدا في البرمجه لازم تقرا البوست ده

لو مبتدا في البرمجه لازم تقرا البوست ده

لازم تحدد طريقك كويس اوي و تعرف انت عايز ايه و متبقاش مشتت و تبص للي حواليك سواء كانو مبرمجين او سوق العمل .
حدد هدفك كويس و اعرف انت حابب ايه هل هتتخصص في البرامج المكتبيه ولا عايز عايز تبقي مطور مواقع ولا مطور تطبيقات الموبايل ...اسال نفسك الاول انت عايز ايه و حابب ايه..
لما تقرر تدخل في مجال البرمجه لازم تهتم بدراستك اوي و متبصش علي اي حاجه تاني غيرها كانك بالظبط بتذاكر قبل امتحان الكليه.
متخافش لو لقيت نفسك بتتعلم ببطئ لان ده طبيعي في مجال جديد عليك ..لازم هتاخد وقت شوي عشان تدرسه كله
متسمعش كلام فلان اللي بيقولك ان الموضوع صعب و كبير اوي و عايز عباقره ..في الحقيقه الموضوع مش كده خااالص
متقفش عند خطوه واحده او تقول خلاص انا اتعلمت كفايه لا بالعكس انت المفروض تطور من نفسك و تفضل تتعلم لان في الاخر هتلاقي معاك حاجات كتير اوي مش عند حد
زاي تتعلم البرمجه صح من كورسات البرمجه؟
سوال بيجي في دماغنا كتير هل لو انا خدت الكورس ده هقدر بعد كده اكون محترف؟ و هل هقدر ابقي زي فلان ده بيقدر يبرمج موقع كامل لوحده!!!
بس الموضوع كبير و معقد و اكواد كتير طيب انا هحفظ ده كله ازاي؟
اجيب كم فيديو من علي اليوتيوب و ادرس مع نفسي ولا اخد كورسات؟؟
كل الاسئله دي بتيجي في دماغنا كتير اوي طيب و ايه الحل؟
اول حاجه اتعلم من الفيديوهات علي قد ماتقدر حاول تعيد الفيديو مره و اتنين و عشره لحد ماتفهم و تحس انك فهمت كل حجاه فيه
نزل من علي النت الامثله البرمجه و المشاريع اللي عملها ناس تانين عشان تقدر تشوف اتعملت ازاي و حاول تفهم كل حاجه جايه منين و رايحه فين
اقرا المقالات كلها او اغلبها اللي بتتكلم عن البرمجه اكيد هتطلع بمعلومه حتي لو واحده
في صفحات و جروبات كتير علي الفيس بوك مثلا بتتلكم عن البرمجه و تطوير المواقع مافيش اي مانع تسال عن اللي انت مش فاهمه
طيب ايه هدف الكورسات ؟؟
هتخليك تقدر تقدم في وظيفه مناسبه
هتطور من نفسك جدا
تقدر بعد كده تشتغل حر تحت اسم مبرمج و تعمل مشاريع للعملاء

يعني ايه استضافه غير محدوده عشان ميتضحكش عليك...
ناس كتير اوي بتفهم الاستضافه الغير محدوده دي غلط ...كله بيحجز استضافات غير محدوده بهدف تخزين الباك اب و بعد كده بيتفاجئ لما بيلاقي حسابه اتوقف و بيبقي فاكر كده ان الشركه نصبت عليه.
الاستضافه الغير محدوده ببساطه عباره عن استهلاك المعالج بشكل خاص و ساعات بنلاقي مواقع مبتعديش 100MB و السرفر بيوقف و مواقع تانيه بتعدي 10GB السرفر شغال عادي جدا لانها مش بتستهلد حاجه من الرامات و المعالج...
طيب ده بيرجع لايه؟
ده بيرجع لطبيعه الموقع و طريقه البرمجه بتاعته
لازم تكون عارف الموقع بتاعك هيستهلك قد ايه و تبقي عارف البرمجه بتاعته عشان متقعش في نفس المشكله

عشان تختار اسم مناسب لموقعك
لازم يكون الاسم قصير و مختصر و في نفس الوقت طبعا بيعبر عن نشاطك او نشاط شركتك
تقدر تختار بين .com -.net . edu ببساطه حسب المحتوي اللي في موقعك
حاول تبعد عن الماركات المسجله او انك تختار اسم مقارب لاي ماركه مسجله عشان ده ممكن يضرك قانونيا
استخدم الحروف عشان اسم موقع يبقي سهل الحفظ و محدش يتلغبط فيه
اهم حاجه دور علي الشركات اللي ليها سمعه كويسه عشان تتفادي المشاكل اللي ممكن تحصل من الشركات اللي مش معروفه
https://www.facebook.com/MywAm/






أكثر...