طريقة عمل باك اب خارجي تلقائي حتي تكون انت وعملائك في امان

عندك سرفر اساسي عليه المواقع وليكن اسمه Server1
ويكون معاك الروت بتاعه وانت بتعمل باك اب مثلا عن
طريق السى بانل والباك اب محفوظ فى مجلد وليكن اسمه /backups

السرفر التاني تحتاج فيه شيل فقط مش لازم روت وليكن اسمه Server2 واسم اليوزر هناك user

هنبدا اننا نعمل اتصال بين السرفرين بنظام ال public/privet key

البدايه من server1

نبدا نعمل المفتاح اللى هيتم بيه الدخول للسرفر التاني بدون طلب البسورد كي يتم الباك اب بشكل تلقائى

لبد انشاء مفتاح دخول

رمز PHP:

ssh-keygen

هيطلب منك
رمز PHP:

Enter passphrase

اضغط انتر بدون ادخال اي كلمة مرور

هيظهر لك فى النهايه يقولك ان مسار المفتاح فى المكان الفلاني وهيكون عموما كدا

رمز PHP:

/root/.ssh/id_rsa

نبدا اننا ننقل المفتاح ده على السرفر التاني كي تتم عمليه الدخول بدون كلمة مرور
رمز PHP:

ssh-copy-id -i /root/.ssh/id_rsa.pub myuser@Server2

وبعدين تكتب له البسورد بتاع اليوزر التاني وهيقولك انه هينفذ بكدا الدخول بدون بسورد ويستعوض عنها بالمفتاح

بعد كدا نجرب الدخول بدلاله المفتاح الخاص بك

رمز PHP:

ssh -i /root/.ssh/id_rsa.pub myuser@Server2 | hostname

وشوف هيطلب منك بسورد ولا لا

لو مطلبتش وجاب لك اسم السرفر التاني تكون كدا تمام وعديت اول جزء من المهمه

لو طلب منك بسورد يكون فيه شي غلط حاول تعيد الخطوات تاني


نبدا بعد كدا نعمل Cron Job تقوم بنقل الباك اب للسرفر التاني بشكل تلقائى


نفتح ال Cron Tab

رمز PHP:

crontab -e

اضف فيها مهمه عمل الباك اب

رمز PHP:

* * * * 5 rsync -aP -e "ssh -i /root/.ssh/id_rsa.pub" myuser@Server2: /backup/

كدا الباك اب الموجود فى مجلد /backup لسرفر رقم واحد

هيتم نقله بشكل تلقائى لسرفر 2 على اليوزر اللى اسمه myuser

كل يوم جمعه

وريح بالك وخليك في امان

أكثر...