خواطر الـطـفـل لا مـن خـاف امـه تـخـمـه ... تـحـمـيـه مـن شـر الـزمـان و بـلاويـــه

السلام عليكم ورحمة الله وبركاته
كل عام وانتم بخير و العذر و السموحة من كل
من هو عزيز على قلبي في تقصيري معاه
هـ الابيات حركها اخوي ابو فيصل في موضوعه المثبت
و هي من كتابة اخوي احمد بن عبدالرحمن العريفي
و نقلتها لكم آمل ان تحوز على رضاكم :
الطفل لامن خاف امه تخمه
تحميه من شر الزمان وبلاويه
بس البلا لا صار خوفه من امه
وين المكان اللي على الارض ياويه
لي صاحبٍ جيت اتذرى بكمه
من بين خلق الله جيت التجي فيه
لكن لقيت الداهيه والمطمه
ان البلا اللي صابني من اياديه
يضحك بنابه كل ماجيت يمه
وسم الافاعي من ورى الناب مخفيه
نسل الردا يجري الردا وسط دمه
لو رام فعل الطيب عيت مباديه
والحر يزكي لو ربى في مقمه
لو رام غدرٍ يمنعه طيب اهاليه
مايستقيم العود في راس قمه
لابد ما صلفات الارياح تثنيه
و سلامتكم

أكثر...