نرجو الحذر من بغدادي هوست ارجو الدخول

لسلام عليكم ورحمه الله وبركاته
قبل لا ابدي بالموضوع ارجو من الناس الي يحبون يدافعون عنه ميدخلون للموضوع لان يجذبون لو يخافون منه
وحق كل حرف بالقران كلامي مابي اي جذب او اضافات
اول شي اني صاحب موقع طرب عراق
موقعي معروف ولله الحمد زواري يوصلون 15الف يوميا
حيدر اجرت منه سيرفر 6شهور وره اربع شهور وكف السيرفر كتله شكو يكولي خلص اشتراكي
كتله اصبرلي لنهايه الشهر ادري بي جذاب لان مسجل التاريخ يمي
وره فتره وكف السير بانل خابرته يكولي ادفعلي فلوس ترخيص سي بانل
بالموت الحك ورا اسبوعين شغله اللوحه وغير الباسوردات كتله ها يكولي لازم تحول فلوس اني بصراحه كذب عليه كتله عندي مشكله باللوماني لازم تشغل الباسوردات حته يحلون المشكله واركب اعلانات الناس وانطيك فلوسك من شغلهن سحبت باك اب ونقلته لغير سيرفر الى ان اشتريت سيرفر لكيت الاخ داخل للموقع ساحب الباسوردات وضايف اله بنر وفتحه اجباريه بالسكربت
والشي الثاني اني ماجر الفتحه الاجباريه الي بالمنتدى لموقع صاحب ابو موقع هنا العراق كيت الاخ مغير باسورد المنتدى ومحول الفتحه لمنتدى وخابرني بالليل يكولي رح ابيع الباك اب مالتك
واليوم موقف المنتدى وكاتب اعلان
هذا الاعلانرسالة إدارية
حبايب تم نقل الموقع الى الرابط التالي منتديات عراق بليّر - MCP موسيقى - IraQPlayeR - قناة اغانينا - Aghanina يرجى الضغط هنا والمشاركة معنا ... مع تحياتنا لكم





هذا المنتدى مالته
وخاف يغير الاعلان هاي صوره اله
http://up.smaa-al7ob.com/uploads/13059138491.jpg


وماعتقد بعد تريدون اكثر من هذا ومثل مكلت رجاءا الي يحب يدافع عنه ليدخل ويخرب الموضوع يحجي بالدين ويكولك اني واني وكل ماخابره يكولي يرادلكم واحد مثل رافي والله عالاقل رافي الناس تمدح بي وخوش ادمي بس انته بينت على حقيقتك ورافي ملتزم وعمره مبايك احد ولا داخل موقع عملائه الولد اهم شي عنده الالتزام بالتجديد وبس
تحياتي للكل
واسف لو الموضوع مخالف بس عشان الناس تستفاد شويه وتحذر الله يشهد على كلامي وماعندي اي اضافات ادري الموضوع رح ينغلق بس اتمنى الناس تحذر منه
واني جدا اعتذر من المشرفين
تحياتي للجميع







أكثر...