رميو ..السواق..وكحيلة العين ..وسالفتها مع رهج....

بيني وبينكم .....

كنت في مراجعة في أحد المستشفيات .. وأنا أدور لي على موقف

وبطلعت الروح ..صفطت سيارتي.. وقفّت ورا سيارتي سياره عائليه

آخر موديل ..تظليلة ( أراك ما تراني ) ..واسمع صوت نسائي بداخلها..

يا(( الأخو )).. عاد أخوكم ما ينتخى يجي كله من أقصاه...

وهذي فطره وأنتم ابخص..

ما حولي من الشيطان طاري .. على السليقه .. مالي ومال النيه البطاليه..

وأنا أطالع للسياره إلا و( النافذه - الدريشه-الشباك ) اللي ودكم ..تنفتح

وما مداني لمحت اللي طل علي مع الدريسه الا وغابت الشمس وامساء الليل

وطلع القمر حق (15) وإحنا بآخر الشهر.. سمعت الصوت الأولي (( ياخوي))

تبعثرت فيني جميع القوى وصابني هشاشة العضام اللي يقولونها ويحذرون منها
.
غمضت عيوني وصرت أشوف بإذني .. وأنا أقول عسى ما خلاف ..وش فيه..

قالت:: يا لخو..

رجعت لي حالة الإغماء السابقه ..وأنا أقول بالله لا عاد تقولينها ..وقولي وش فيه..

(((((وقولت يالخوي اللي يعرف معناها ما يصد عنها ))))))))...

قالت :: بعد ما جربعتني ..بالتغنج .. يالخو لوسمحت...

طالعت :: وأنا إعيوني بالأرض بعد ما رشقتها بنظرات استطلاعيه ..أوليه مباغته..
((ولا العلم موت حمر)) نسيت بعدها وش معنا كلمت يا لآخو..

وقالت:: ممكن تقرب شوي ...

دريت إن العلم صملي ..

قلت:: لا والله ما ني قارب خليني هنا أحسن ..وقولي وش فيه..

قالت:: شكلك عبيط والا أنا غلطانه ..

قلت :: خذ ...عبيط (( وكل هالنخوه ..يالأخو ..يالأخو..))وأخرت العلم ..عبيط
لا بالله إلا غلطانه وأنا غلطان ..بعد..

وعطيتها ظهري أبغى امشي ..

قالت::لحظة لوسمحت..وادي أقول شيء..

قلت ::ها..ها ما عاد أتحمل أكثر من اللي جاني..ناظرت يمها ..ولمحت السواق
غتره وأعقال..حسيت إن فيه شيء (( خربوطه ))..

وجت عيني على مصدر الصوت ..شفت الصورة الواضحه ..(( حور العيون ..كحل
الدلال ونقاب خليجي نص (( رتوب )).. وجنه تلمع وبها قطرات من النداء...وي وي..

صابتني حالة إغماء خاطفه ..وخففها ريحة العطر النفاذ ..اللي أصطرتني ..
إن ما خاب ظني عطر يقاله الخياله..

قالت :: يالأخو...وأنا أناظر لها بعد هالكلمة ما عاد صار لها تأثير فيني ..صابني مناعة ...

وقلت :: ورا الأخو اللي معك ما ينزل ويقول وش العلم ..

دقت ضحكة فيها (( زريه )) يعني تطنز...

قالت:: تقصد ((رميو)) ...

قلت :: الأخ اسمه (( رميو)) ...

قالت :: هذا السواق (( رميو ))...

ودريت بعدها إن الهرجة خربط بربط...

قالت :: أقول ..والله إنك طيب وراعي فزعه ..ممكن الجوال..

قلت :: وش تبين بالجوال ...

قالت :: أبد اتونس وأتعرف..أكثر..

قلت::





يا نخوتي شفتي عيون الكحيله
اللي تناديني وأنا جيت مرتاب

القلب صافي والسجايا نبيله
ما دار فالخاطر هواجيس عزاب

في موتره شفت الظواهر أصيله
وفي هرجته ألمح عناوين كذاب

تقول ""رميو "" ما بغينا بديله
سايق ولا يرضى عليّ هرج الأجناب

ردت وقالت يالعبيط الفشيله
طال الحكي ومنكم أبي موعد أحباب

قلت إرحلي مالي ومال الهزيله
اللي تبينه ما بغينا ولا طاب

الطيّب فينا ورث جيل(ن)نشيله
وعن الرداء يا بنت صكيت الأبواب


مع خالص تحيه ... رهج القصيد..

أكثر...