صمت ذكراي

على صدى صوت الحياة القديمة

لحت ضلوعي وانتشى صمت ذكراي

هاك السنة يوم النوايا سليمة

مايشتكي دربي من الود ماطاي

سكة وضمتها النفوس الكريمة

وافختها يوم افخت الحظ دنياي

صارت مباكير العطايا يتيمه

شح السعد واختلت بفعله خطاي

لو الكرم ما له مع الناس قيمه

ماخلدت روس العرب حاتم الطاي

يوم الوفا اصبح في زمنا جريمه

للصيد قناصة وللقوس براي

بعض الأوادم عاهةٍ مستديمه

لا يترك المقفي ولا يترك الجاي

احدٍ يشيل من البلا في بريمه

واحدٍ بسوق العز بايع وشراي

الله,, اكبر يالعقول السقيمه

وشلون غنيتوا على كسرة الناي

يوم ان عند الناس نخوه وشيمه

ما أحدٍ سكت وإن زود الهرج حكاي

يرفا خطا الجهال روسٍ حكيمه

والراي عند اللي يرجح له الراي

حلفت ما اخضع للردى والهزيمه

مادام فعل الطيب هو ساس مبداي

شـكــ وبارك الله فيك ـــرا لك ... لك مني أجمل تحية

أخوكم المجاوشي