ليه الزعل

ليه الزعل يامشغل البال وش فيك ؟؟

وش جاك من قلب يحبك ويهواك


وشبك على اللي همه شلووون يرضيك

يزعل جميع الناس ويدور ارضاك

ياغاية المطلوب وش باقي اعطيك

كل المشاعر صافحت كف يمناك

ان كان حبي يا اريش العين مشقيك

قل لي وانا مع دورة الايام بنساك

وان كان قصدك تجرح اشواق مغليك

خاف الذي بالزين يازين سواك

لو ينشكى فعلك على الناس لاشكيك

ما احد بهذا الكون سوى سوياك

لاتحسب اني وان تشرهت مابيك

ياضيف عمري باقي العمر يفداك

وختامها لو يعطي الوقت صافيك

اموت واحيا في غرامك ولاماك

أكثر...