كتبـتك لين خليت القصيد يهز فنـجاله

.
.
.


افكر فيك وادري من يفكر فيك ماينلام
لانك كثرماتجرح خفوقه تنعش اماله




احبك وادري ان اللي يحبك يحسب الايام
لانك كثر ماغبت وجفيته تطري في باله




تقول ان الوعد عدى ـآ واقول إن الوعد قدام
وانا من قبل اغني بك يجر الشوق موااله




ولا يكفيك من عمري يضيع العام بعد العام
ولايرضيك ان قلبي تشد الناس رحاله




عشان عيونك وعين القصيد وسكة الاحلام
كتبتك لين خليت القصيد يهز فنجاااااااله




ترى لوقلت لك عطني همومك واستريح ونام
مثل مااقول يعني لو يموت العاقل اشوى له




حبيبي وش بلا هالقلب لا منه عشق ينضام
وراك اتعبتني والهرج يمك مرخي احباله




اذا الحب بنظر عينك شقا حال وتعب و أوهام
تراك انت اخر انسان يتكلم عن شقا حاله ....


.
.
.

أكثر...