ياليتني ماصرت أدري وش الحب,,,

يـا ليــتني ما صـرت أدري وش الـحـب
ويـا لـيت قـلبـي ســكّـر الـبـاب دونــه

ويـا لـيـتـني طـفـلٍ وألــهـى مـع الـلـعـب
مـالي بعذاب الشوق ولا لي بشجـونــه

قـالـوا عــلامــك يـا فـهـد مـيـت الـقـلـب
ادخـل فـي بحـر الحـب هـم يمــدحونـه

تـلـقـى الـهـنـا والـورد يـملا لـك الـدرب
والـلـي تـبـي تـهـواه طــــالـع عـيـونــه

واصبحت عـاشـق والهـوى داخلي شـب
ومن زود حـبي صــرت أدري بفنونـه

خـضتـه وأغـامـر فيه واستسهل الصعب
يــالايـــمـيـــن الـقـلـب لا تـعــذلــونــه

ومـرّت سنيني واثري عايش وسط كذب
الـلـي سـكــن بـالـقـلب نـفـسـه يخونــه

يعطيك حـلـو الـقول مـن هـرجه الـعـذب
وإذا استـدرت بظهـرك ارسل طعونـه

صـار الـوفي فـي هـالـزمن راعي الذنب
والأقـنعـة والـزيـف صـارت مـرونـه

لـكـن تـركـت الــحب وأعـلـنـتهـا حـرب
مــاأردّ لــه لـو بـالـذهـب يـفـرشـونـه

ريّـحـت بـالـي والـهـوى جـادعـه جـنـب
وخـليـت كـل الـحب لأمـي الـحـنونـه

وانـصـح جـميع الناس بالشرق والغـرب
لا تــقــربــون الــحـب لا تــقـربـونـه

والـلـي يـبـي يـمشي بهـالدرب بـالغصب
يـعـلن قـبـل يـمـشـي بـطريقه جنونه

بقلم أبو ناصر

مما راق لي
منقول

أكثر...