شعـر كان الغلا يشرى ... شرينا غلاهم ...!

كان الغلا يشرى ... شرينا غلاهم ...!

وكان الوصل ينباع ندفع ملاييـن ... !

حنـا بلانـا الله ...بصافـي هواهـم

مهما نسلفهم...فحنـا المداييـن...!

يقفون عنـا يـوم نركـض وراهـم

وذي سنـة الدنيـا بعـرف المحبيـن

ومهما يطـول الوقـت حنـا دواهـم

وحنـا تولعنـا بـطـرد المزايـيـن

اللـي كتبهـم بالـغـرام وقـراهـم

يلتذ لو يشرب علـى عشقهـم طيـن

اللـي برانـا بالـهـوى مابـراهـم

واهل العقول اضحوا سواة المجانيـن

الله عليهـم يـوم صبـوا حـلاهـم

نشرب ولانروى من الكـاس ثمليـن

دارت طواريق الهـوى مـن وراهـم

وإستفرست صوعات بقعى مع البيـن

نطيع مـن طاعـوا ونشنـا شناهـم

وللـي يقولونـه نلبـي مطيعـيـن

وإن عاندونـا ماتركـنـا رضـاهـم

نركض وراهم مثل ركـض الوراعيـن

هذا الهوى الملعون يمحـى خطاهـم

وحنـا خطانـا كنـه العـود بالعيـن

ومهمـا ركضنـا مالحقنـا جـزاهـم

من حقهم نرخي لهـم جانـب الليـن

الريـش حـت ومالحقنـا سمـاهـم

وإذا خسرنـا كنـنـا دوم ربحـيـن

ياحلو طاعتهم ومـا احلـى غثاهـم

صحراء الجفاء منهم علينـا رياحيـن

يــاوالله إلا ماتركـنـا ولاهـــم

لذيك العيون السـود ناطـى براكيـن

المشكلـة حـظ الـردى ماقـواهـم

من دونهم حالوا خساس و شياطيـن

لجل الغـلا والشـوق نفـدى ثراهـم

حنـا الثـرى وهـم ورود البساتيـن

لابـارك الله بالهـوى مـع سواهـم

حتى لو إن العشـق معهـم سكاكيـن

نروى إذا رويـوا ونظمـى لظماهـم

وبعيونهم نكتـب سمـان الدواويـن

الرابـح اللـي وافقـوا واشتـراهـم

انا اشهد إن اللي شراهم شرى الزيـن

كن العسـل يقطـر بحافـة شفاهـم

والخـوخ بالخديـن والكايـد التيـن

الله ينـوي بالخـزى مـن نـواهـم

ويستر عليهم من وجيـه الملاعيـن

يقولهـا اللـي ذوبــوه بجفـاهـم

اللي وطى من فوق مـا هـم واطيـن

اللي حلـف يلحقهـم آخـر قصاهـم

إليـن يـدري ويشهـم فيـه ناويـن

إلين يشـرب مـن طواريـف ماهـم

لكن على السنة وهـم منـه راضيـن

إللـي ذبحنـي طهرهـم مـع نقاهـم

ماساقوا الخطوة علـى خايـعٍ شيـن

دام الشتاء مقبـل نبـي مـن دفاهـم

فـي نجـد بـردٍ ماتسـر البطاطيـن

لــو إيهديـهـم ربـنـا للتفـاهـم

و ناصل لحلٍ مانخالـف بـه الديـن

حنـا صبرنـا وإحتملـنـا عنـاهـم

وهم على طـول المشقـات غاويـن

يا الله عسى ماني على الطيب واهـم

وهم عسى ماهمب للوصـل طاويـن

إن كـان هـذي تاليتـهـا معـاهـم

تخالفـت يحمـود كـل المـوازيـن

القلـب ليتـه يشـتـرى بالـدراهـم

والله لسـوق بقلـب سلمـى ملاييـن

منقول من هناك

أكثر...