ذبحني غيابك والغلا

مادام الورق له صدر واسع يضم البوح
أبهدي عيونك بوح روحٍ معك ذابت

وأنا اللي قريتك يا كتاب الغلا المفتوح
ولك صورة من محجر العين ما غابت

حبيبي وأنا في غيبتك بلبل مذبوح
معلق على أغصان الرجاء اللي معك خابت

تصافقني أقداري وأنا مرهق ومطروح
وعيوني عليك من السهر يالغلا شابت

مساء الحب يامن تسكن النظر والروح
مساء كل نبضه قلب في غيابك أرتابت

مساء كل دمعة من عيون تحب النوح
وعليك أنت كم ودًت وكم جابت

مساء كل طعنه في خفوق تشوحه شوح
يدين الزمن وطعونك الخضر ما طابت

سقى الله زمان كان به فرفشة ومزوح
ولا كان شوك البعد في تربتي نابت

زمان الوصل يومك عليه تجي وتروح
وأنا المذنب وروحي من الذنب ماتابت

قبل ما يجي دمعك على وجنتك مسفوح
وأنا دمعتي من محجر عيوني أنسابت

دخيل العيون السود يالجادل المملوح
ذبحني غيابك والغلا بالحشا ثابت ،،،

راقت لي

أكثر...