مهم جدا لكل عضو لديه موضوع في قسم مشاكل الحاسوب

السلام عليكم ورحمة الله وبركاته

اخواني واخواتي اعضاء منتدى زيزوم

مساكم الله بالخير

اخواني انا لاحظت في اغلب المواضيع ومنها مواضيعي انو مثلا كتبنا موضوع في قسم مشاكل الحاسوب
ان المواضيع مو كامله
راح اوضحها لكم اكثر
فرضا انا كتبت موضوع في قسم مشاكل الحاسوب وساعدوني الاخوان بمشكلتي واعطاني عضو حل
وما ارد عليه
هذا اكبر غلط
المفروض احد حط مشكلة يخلص منها من والا
حتى لو ماتحلت يكتب اخواني خلاص انا بفرمته او يوديه لمهندس المهم يغلق موضوعه
ليش انا اقول الكلام هذا ...؟

من باب المساعده في المنتدى
مو معناتو انا عضو جديد ودخلت عشان مشكلة واحلها واعطيكم ظهري حتى ماعبركم بكلمة شكر

حبايبي
لازم نتساعد منها المشرفين يرتاحو
ومنها لو انحلت المشكله غيرنا يعرف الطريقة كيف انحلت المشكلة
في مثلا عضو عندو مشكلة ويكتب المواضيع ويكونو الخبراء اعطوه الحل ويسكت مايرد بعدها
ليه طيب كذا ...؟ لو عندك ظروف عادي اما مثلا عندك فراغ وتعلق الموضوع كذا مايصير

لان غيرك لما تجيه مشكلة
حيكتب المشكلة في قوقل

حاعطيكم مثال
انا عندي مثلا مشكلة انو الخلفيه ماقدر اغيرها ونظام الويندوز 7
ابغا احط الصورة خلفية مثلا مايجيني اختيار تعيين كخلفية لسطح المكتب
انا حاكتب المشكلة هنا
وواحد يجي يقولي ان المشكلة انو ويندوز 7 الي عندك اصداره استارتر اصدار متوقف
حاعرف ان المشكله من اصدار النسخة وحاكتبلهم اوكي مشكور
يكون غيري عندو المشكلة ويكتبها وحيعرف بسرعه
بدل ماتتكررالمواضيع هذه
وتقعد المواضيع هذه معلقه المشرفين مايعرفو انتهت المشاكل ولا لا

اتمنى من كل عضو يدخل الموضوع هذا بعد مايقراه يبدأ يروح ويدخل على مواضيعه ويشوف الي انتهت وما تقفل الموضوع يقولهم خلاص انتهيت من حل المشكلة اما يافرمت او الحل الي جاله من الخبراء ساعده و زي كذا
والله انتو حترتاحو اول
بالله كيف يكون شعورك لما تدخل على مواضيعك وتقراء جنبها تم حل المشكلة:y::y:

تحس بحمااااااااس:y:

واذا كان الموضوع مخالف قولولي او قفلوه

وانا حبيت احط الموضوع هذا في هذاالقسم مع انو مو مشكلة في الجهاز

مشكلة في الموضوع:hh:
بس حبيت اجذب الاعضاء الي داخلين هذا القسم اكثر

والي عجبه الموضوع
يدعي لنفسه بالاول ويدعيلي معاه انه ربه يهدينا ويرزقنا رضى الوالدين
ويوفقنا في الدنيا والآخره ويرزقنا الفردوس وان يحشرنا الله تحت ظله يوم لا ظل الا ظله

موفقين يا خواني واخواتي

اخوكم / SOLDA
محمد

أكثر...