بسألك وأبغى إجابة لا تزيد .. لو ضربتك بالقلم وإلا بعصاي ؟؟؟

السلام عليكم ورحمة الله وبركاته

جديد معلقاتي الشعرية :strongly:

مطلوبه من أخ وأخت في الله لي هنا في المنتدى وكتبتها بيومها لكن اليوم قررت نشرها
طلبوا مني جديد وهذا الجديد في بعدها عروستين لكن غير قابلين للنشر حالياً .. كل شي بوقته زين :icon26:
نكتفي بالخفيف المفيد
على أمل أن تنال إستحسانكم ورضاكم ونعدكم بالمزيد وحسب الطلب :strongly:

الأمل فيني تجدّد من جـديـد = والبــــوارق لـمْــعَـها لاح بسمـاي
يا هواجسنا طلبناك المـزيـد = من دُرَرْ شعرٍ كـتمتـه فـي خفــاي
مابخلنـا بالمـراجل يالقـصيـد = وانت تعـرف انــــك احـيــانا دواي
بسألك وابغى اجـابه لا تزيد = لـو ضربتـك بالقلــم والا بعـصــاي
هل تعذَّب ياقصيدي هل تبيد = جاوب الهاجس اذا تسمع نـــداي
بعد هذا هات ياشعري مفيد = مابني هرج يتمحــــــلابـه حـــلاي
مانبي الا ثمـــارٍ من حصيــد = مانبي إلا النقي من سقي مـاي
ما نبي الا فـــريدٍ مـن فريــد = من طلب يَروَى وأنا أروي ضمـاي
هاك يالنــايف ورددها نشيد = ابشــر وهــذا عطاالله مــو عطاي
نحمـد الله نحمـد الله المـجيد = وربي الرحمن يغفــر لي خطــاي
السعيد اللي عبد ربه سعيد = والنكد باللهو الأعمى يا أخـــوياي
من يتوب لربه الخالف يصيد = رددوها الله أكبر ردد وردد معـــاي
الله أكبر كــل وقت وكل عيد = الله أكبـــر في سماكم أو سمـاي
الله أكبر ماخلقـــــنا إلا عبيد = له فقط .. ماهو لغيـــره يا غــــلاي
والعـطايا كــان تبغـاها تـزيد = بكلمةٍ وحــــده وهــــذا خيـــر راي



يالله انك تغفر ذنوبٍ تقــيـــد = نار في جوفي سبب رغبة هـواي
او سبب تزيين شيطانٍ مريد = او سبب غفلة وتسويف بـــرداي
والنجاة ان كنت ياخيي تـريد = لا تَخالط مع هل الولكم وهااااي
دوّر اهل الذكر والزمهم تزيد = يــرفع الله مستـــواك ومستـواي
مــن يريد يزين مبناه ويشـيد = يلتزم بالشـــرع وهــذا هــو نداي
لمع برقٍ شــع عنـوان البريد = لكل من يطلب تسابقنــي خطاي
يا هواجسنا طلبناك المـزيـد = من دُرَرْ شعرٍ كـتمتـه فـي خفــاي
مابخلتي يالهواجس بالقصيد = وما بخلت بنصحــي وطيّب حكاي

وسلامتكم

فقط توضيح للي باللون الأحمر : هذا أخ عزيز أسمه الهاجس الله يحفظه رد على احد قصائدي بعبارة ( عذبتوا القصيد ) فحبيت أقرب له الصورة بكل أخوة ومحبه :shiny01:
ما ألومه كانت القصيدة اللي علق عليها فكاهيه لكن كمان ما يمنعش نوضح الصورة .


في آمان الله.







أكثر...