تبي البعد أبد حاضر قسم بالله ما اردك

تبي البعد أبد حاضر قسم بالله ما اردك
ولكن لاتجيني يوم بقولة تكفى لك أنا حنيت


أشوف إنك تورطت بشي كبير مو قدك
ماظني تنفعك بكره حسافه وليتني ياليت


على بالك ابترجى وكل الخوف من صدك
ترى قبلك كثير اللي ترجوني ولاترجيت


إذا عشقك يوطيني لا أبوجده ولا أبوجدك
وإذا مليت من قربي فأنا منك بعد مليت


أخاف انها تصانيف وشياطين تب تحدك
وأخاف إني اوري لك شياطيني لو أنحديت


وأنا والله ماودي ولكن كنــه بــودك
تشوف ردة افعالي ليا انت صديت و وانا صديت


ابرسل لك سحر طيفي يجرك من ورى سدك
يجيبك لآخر دروبي وانا ماقمت وتعنيت


يخيل لك صدى صوتي وهمس الشوق بيهدك
تناديني .. تناديني ..تناديني ولا رديت


تحس بدفا صدري كأنه مصدر يمدك
دفا هالكون رغم اني بعيد وتوني ماجيت


ولامن غمضت عينك تحس يدي بيدك
ولامن فتحت عينك تشوفني بزوايا البيت


أبنزل مع دموع الهم واهدي في طرف خدك
لأجل ما أنحت الفرقا واوثقها هنا مريت


لأني ساكن بدمك وقلبك واقف ضدك
دمارك بعدي لو لحظه فما بالك إذا اقفيت


مدام انك سمعت اللي أقوله وأبتدأ يشدك
خذ مني هديه لك حلالك واحفظ هالبيت


تبي البعد أبد حاضر قسم بالله ما أردك
ولكن لاتجيني يوم بقولة تكفى لك انا حنيت


مما راق لي






أكثر...