قص رعب : خلف القبور

فى اطار تطوير موقعنا قررت ان انزل واسأل عمال المقابر على ما يرونة اثماء عملهم و بالتأكيد الجميع سيرحب بالقصص الحقيقية اكثر من الخيالية لكن غالياً ما تكون القصص الحقيقية اقل فى الحبكة الدرامية الذي تضاف للقصص الخيالية ولكن فى الحالتين انت دخلت هذا الموضوع لكى تشعر بالرعب وهذا ما ستجده هنا ... فلنبدء القصة
قص رعب : خلف القبور

ذهب الى احدى المقابر القريبة من الحى الذي اسكن فية فى القاهره وظللت ابحث عن شخص من الاشخاص الذين يسكنون بجانب المقابر او ما شابه ولكن اثناء بحثى وجدت صوت رجل فى سن الستين من العمر تقريبا يناديني بصوتة الغليظ :: بتدور على حد هنا يا ابنى
قولتلة : ايوة انا بدور على حد يكون ساكن قريب من هنا او حد من عمال المقابل
قالى : اسمه اية
قولتله : لا انا مش بدور على حد معين انا بس عايز اى حد شغال هنا أتكلم معاه شوية
قالى: اؤمرنى انا شغال هنا بقالى تقريبا 15 سنة
قولتلة: بجد طيب بتشتغل اية .. ؟
قالى: انا بدأت اقلق منك انت عايز اية بالظبط
قولتله: ابداً والله مفيش حاجه انا احمد سمير بكتب قصص رعب وكده و مصمم مواقع فكنت عايز اجى هنا اسمع قصص حقيقية لان اعرف ان ديماً الناس الى بتبقى ساكنة او شغاله جنب المقابر بيبقى عندهم قصص كتير من دى
ابتسم ابتسامه سخرية وقالى يعنى انت عايزنى احكيلك حواديت
قولتله : لا مش قصدى انا عايز بس تحكيلى لو كنت شوفت حاجه قبل كده من الجن او حصل معاك موقف وهديك المبلغ الى انت عايزة
أبتسم وقالى طيب تعاله معايا انا هحكيلك الى انت عايزة
قولتلة : هو اسم حضرتك اية ؟؟
قالى : ابراهيم
قولتله : تشرفنا يا عم ابراهيم
روحنا بيته وكان فعلا جنب المقابر
قعدنا وعمل الشاي وبعدين قالى قولى بقى عايز تعرف اية
قولتلة: احكيلى اى موقع حصلك قبل كده
قالى: احنا يعتبر عايشين مع بعض هنا يا ابنى
انا بصراحه زهقت وقولتلة طيب احكى
قالى: مثلا انا فى البداية اول لما جيت اشتغل هنا كنت بخاف جدا وكانت فكره انى اشتغل فى المقابر اصلا بتخوفنى قولتلة انت مقولتليش انت بتشتغل اية هنا يا عم ابراهيم لقيتة بصلى كده بصه خوفتنى وقالى متقاطعش كلامى سكت وكمل كلامة قالى انا من اول يوم هنا فى الشغل بدء يظهرلى حاجات قولتلة حاجات اية يعنى بصلى المره دى من غير ما يتكلم انا سكت خالص
قالى: مثلا كنت ببقى قاعد بليل اشوف خيال حد ماشى واروح اشوف فى اية ملاقيش حد نهائي واسمع اصوت بتنادى على اسمى وبرضوا مش بلاقى حاجه وكنت بسمع صوت خبط وحاجات بتتكسر انا بصتلة وقولتلة بتتكسر ازاى يعنى بصلى بصه كده انا فهمت منها كلمة اخرس ومردش عليا
كمل كلامة وقالى لحد لما بقيت ابقى بقعد استنى كل يوم الوقت الى بيقولوا اسمى فية وببقى قاعد سكات يعنى اتعودت على كده
قولتلة: يعنى مبقتش تخاف قالى اخاف من اية انا لسة هحكيلك الباقى
قالى: انا كنت بعمل الشاى واطلع اشربة بره فى المقابر كنت مثلا يبقى الشاى جنبى ولقيهوش او الاقية خلصان قولتلة مش ممكن حد بيهزر معاكى بصلى كده وبنبرة حاده قالى هيهزر فى المقابر يا استاذ بصراحه انا حسبت بالغباء بس سبته يكمل
قالى: انا بعد كده اتعودت بقيت اعمل اتنين شاى
قولتلة: وبيشربوا برضوا
قالى : لا مكنتش بلاقى الاتنين
قالى : وكان فى مره جه واحد اسمة الاستاذ معتز اتعرفت عليه و شربنا الشاى مع بعض وكان بييجي يقعد معايا هنا كان دايماً بيقعد مكان ما انت قاعد كده وفى الاخر اختفى روحت اسأل عليه عرفت انه كان ميت من 3 سنين
قولتلة : مين الى كان بييجي يقعد معاك
قالى : مش محتاجه ذكاء اكيد عفريتة
وبعدين انا قولتلى معلش يا عم ابراهيم انا لازم امشى علشان الوقت اتأخر وهبقى اجى اكمل معاك الحوار بكره قالى براحتك يا ابنى هستناك بكره وانا ماشى بفكر فى الى الراجل ده قالة يا ترى حقيقي ولا كدب لقيت واحد بينادى عليا قالى انت رايح فين قولتلة : لا ده انا كنت قاعد مع ابراهيم هنا
قالى: عم ابراهيم مين
قولتلة عم ابراهيم الى ساكن فى البيت الى هناك ده
ضحك وقالى : عم ابراهيم ميت بقالة 7 سنين ....
انتظروا الجزء الثانى وتعرفوا على قصه عم ابراهيم ومن الذى كنت أتحدث معه
أحمد سمير


المصدر : أرعبنى شكرا

قص رعب : خلف القبور - أرعبنى شكرا

أكثر...