افضل اسطوانه طوارئ لجميع انظمه التشغيل

بسم الله الرحمن الرحيم


السلام عليكم و رحمه الله و بركاته

كل عام و انتم بخير و صحه و عافيه


،،، ندخل عالموضوع على طول عشان ما اعرف اكتب مقدمات :hh:


برأئي الشخصي انا اشوف نظام التشغيل لنكس ينفع كإسطوانه طوارئ ،، كيييف >>> انا اقلك كيف

خلينا مثلا ناخذ موضوعي القديم اللي كتبتو هنا او موضوع اي احد من الاخوة اللي شرحولنا طريقه تثبيت نظام لنكس توزيعه اوبنتو

http://www.zyzoom.org/vb/showthread.php?t=159805






طبعا في الصورة هنا نختار tray ubuntu او بالعربي جرب اوبنتو

* الصورة مقتبسة من الشرح اللي حطيت رابطو لكم
نشوف انو عند بدائه التنصيب في اول خطوة نقدر نستعمل خاصيه الايف سي دي و هي بمعنى انك تستخدم النظام كامل من دون ماتنصبو على جهازك

الفائده من دا كلو عده امور

النظام عندك ظرب و لازم تعمل فورمات و عندك ملفات مهمة ،، ايش راح تسوي ،، تشغل اسطوانه الاوبنتو و تقلع منها و تختار الايف سي دي و تشبك يو اس بي او سي دي او اي وسيط نقل بيانات عشان تنسخ ملفاتك المهمة اللي تبغاها عليه ،، ماعندك يو اس بي ولا سي دي ،، شغل النت و ارفع ملفاتك على اي موقع رفع يعجك واحفظ الرابط و لمن تفرمت جهازك حمل ملفاتك المهمة

ناسي الباسوورد حق النظام ،، لاتستعجل بالفرمته سوي نفس الهرجه

بالعربي كدا ،، اي حاجه ماتمشي الا بفورمات والنظام مو راضي يشتغل وعندك حاجات مهمة في جهازك ،، استخدم الطريقه هذي .

انا اشوفها مناسبه لعدة امور

انها رسوميه و سهله و تقبل انك تستخدمها معربه اذا ماخاب ظني + تمكنك تستخدم النظام كااامل دون قيود ،، يعني كإنك مثبت نظام جديد في جهازك بس ملفاتك القديمه و نظامك القديم موجود من دون راح يسير له اي ضرر او تغيير

* طبعا في اسطوانه تحذفلك باسوورد اليوزر اذا كنت ناسيه + في اسطوانات طوارئ خاصه للوندوز بس زي ماسبق و قلت من وجهة نظري اشوف الطريقه دي انسب

والله يوفق الجميع ،، واتمنى انو الاخوان الخبراء يفيدونا برأيهم و الموضوع قابل للنقاش

* اعتذر للاداره اذا كنت كاتب الموضوع في قسم غير قسمو و اتمنى نقلو للقسم المناسب و اذا ماشين صح اعتبرو ياشباب كأنكم ماشفتو اللي كتبتو دوبني :ok:

* اتمنى ما اكون جايبلكم حاجه قديمه " بمعنى احد سبقني بالفكره هادي " :er:
في رعايه الله و حفظه








أكثر...